سهر .. والدُّنيا نعسانه .. سهر
والفرقى كانت عَن حَبايبنا .. قَدر
والجرح نزف الدَّمعتين
والدَّمعِ شُباكِ الحَزانا .. للقَمر

,

بدر بن عبدالمحسن 

نصيب الغير

اقدر موقفك و اعذرك و اذكر عشرتك بالخير
و اكرر شكري و تقدير قلبي يا بعد قلبي
و اقول آسف على حزنك على بعدك على التقصير
امانه عش حياتك و اترك همومي تسافر بي

حياتك تستحق التضحيه و الصبر و التفكير
حرام يضيع حلمك يا رفيق الدرب في دربي
بلحظه كيف صرت اقسى من الفرقا بلا تبرير
و انا اللي ليلة فراقك بغيتك تاقف بجنبي

تصاحبك السلامه و الاماني يا نصيب الغير
انا كل الكلام اللي بقوله يحفظك ربي
و تبقى اكبر و اكبر بعيني و الزمان صغير
ولو ما قلت احبك كل يوم يقولها قلبي

لو جت من غيرك ترى كان هانت
اما تجي منك ياهي قويه
كذبت فيك احساسي و ناس قالت
ما كنت اصدق ان حبك خطيه

الحمدلله نية الغدر بانت
اشكرك يالجاحد على اغلى هديه
و ابشر بصبري و عزة ٍ ما تهاوت
و نفسي برغم الجرح ماهي رديه